Во наставните програми од прво до шесто одделение се воведени содржини со медиумската писменост, со цел учениците да се запознаат со главните начела на медиумската писменост и да стекнат вештини за критичко размислување.
Овие содржини, исто така, придонесуваат учениците да соработуваат меѓу себе, да пристапуваат до различни содржини на интернет и критички да ги анализираат и коментираат пред да ги споделуваат. Според тоа, учениците полесно ќе ги препознаат дезинформациите со кои се соочуваат секојдневно. Во рамките на часовите по медиумска писменост ја обработувавме содржината - Слобода на изразување и етичко однесување во дигиталниот простор. Учениците научија што значи заштита на приватноста, како да се заштитат во дигиталниот простор и изработија постери -етички кодекс на однесување на интернет.
Има многу позитивни страни на поврзаноста што ја нуди интернетот, но исто така, секојдневно се користи за погрешни намени и се злоупотребува, а децата и младите се тие што ја плаќаат цената.
Интернетот е одличен начин да се поврземе со пријателите и семејството, да се поврземе со светот, да научиме нови работи, да изградиме дигитални и други вештини, да споделиме фотографии, видеа и мислења. Ако се користи правилно, Интернетот може да ни го промени животот така што ќе нè поврзе со цел еден свет на можности за комуникација, учење и слобода на изразување.
Учениците од шесто одделение напишаа совети за тоа како Интернетот да стане побезбедно место за сите нас.
Она што секогаш треба да го имаме на ум е дека – штом нешто еднаш ќе се објави, нема враќање.
Погледнете ги нивните постери :
odlicno i mnogu korisno
ReplyDeleteВи благодарам
Delete