Светот денеска го одбележува Меѓународниот ден на мајчиниот јазик!

Светот денеска го одбележува Меѓународниот ден на мајчиниот јазик, кој УНЕСКО го прогласи на 30-тата сесија на Генералната конференција во 1999 година. Во 2000 година 21 февруари е промовиран како Ден на лингвистичка и културна разновидност и мултилингвизам.

Јазикот е обележје на еден народ, главна карактеристика по која се разликува од другите народи.Кој е ваш мајчин јазик и дали вие го сакате и негувате? 

,Македонскиот јазик треба да биде строен и изразит,да биде вистински  белег на македонската нација,зашто преку литературниот јазик се закрепнува најздраво свеста за припадност кон нацијата.Македонскиот литературниот јазик треба да биде навистина македонски.“-Блаже Конески 

Без јазик си никој и ништо-Видое Подгорец

Родниот јазик е бисерен ѓердан 

од зборови-плодови сочни,

мислите тие ти ги редат

во слики јасни и точни.

 

Тој е вруток непресушен,вечен,

низ бистри капки-зборови тече.

Жубори, клокоти, ѕвони, се лее

ко јасна ѕвезда секој збор грее.

Тој ни е завет од дедовците

како тланикот на огништето.

Чувај го како црнка во очите-

-без јазик си никој и ништо.

,,Милоста кон родниот јазик е наш долг и наше право. Ние сме должни да го милуваме нашиот јазик, зошто е наш, исто како што е наша татковината. Еден народ што го изгубил својот јазик, личи на човек кој го изгубил патот и не знае ни каде оди, ни кој е!“- 

 Крсте Петков Мисирков